Sigurisht edhe ju si gjithë të tjerët po e ndjeni mungesën e rutinës që kishim para pandemisë. Rrugët, ka kohë që kanë qenë me një trafik makinash që kanë lëvizur për arsyje emergjente apo të rëndësishme pune. Me pamundësi që të zhvillojmë mësimet dhe të ndajmë përvojat e nevojshme për të gjithë ata që kanë shprehur interesimin për t’i vijuar testet e autoshkollës, ne do të përpiqemi që të jemi pranë jush me informacionet e nevojshme.

Megjithëse, rastet e COVID-19 në Kosovë kanë rënë dukshëm, duke shpresuar që të arrijmë në rastet zero, akoma shumë biznese nuk kanë filluar punën. Me kujdes të tejshtuar,  është bërë e ditur që në Shqipëri tashmë autoshkollat kanë filluar me punën e tyre. Për sigurinë e qytetarëve, autoshkollat e Shqipërisë do të funksionojnë duke respektuar dy fazat: 11 Maj - faza e parë ku priten regjistrimet duke respektuar distancën, dhe gjithashtu duke qenë të pajisur me dorëza dhe maskë. Dhe nga 18 Maj, që është faza e dytë, pritet të nisë instruksioni në rrugët e qytetit, me vetëm një parktikant në kabinë.

Tashmë, edhe Kosova pritet t’i liroj masat mbrojtëse për parandalimin e COVID-19. Me shpresë që mos të kemi numër të rritur të të infektuarve në ditët në vijim, nga data 18 Maj, pritet faza e dytë e lirimit të masave mbrojtëse.

Deri në njoftimin e ardhshëm, kujdesuni për veten!